Tuesday, June 24, 2014

ad300
Advertisement
~ असार~

सुरक्षाकर्मीको लाठ्ठिचार्ज पछी
तितर बितर भएर
भागीरहेको भिड झैं
बादलका झुण्डहरु आकाशको
ओल्लो चोक र पल्लो चोक
भागीरहेछन ।

आफ्नो जवान लोग्ने मरेको खवरले
डाँको छोडेर रोइरहेकी  युवती झैं
मेघ गर्जन सहित बर्षाका बुँदहरु  
झरिरहेछन र हिलाईरहेछन धर्ती
भर्खर बुहारीले पोतेको आलो पिडीं झैं ।

बढी चिया पत्ति हालेको
दुध चिया जस्ता बाढिका लहरहरु
टिल्ल भएर घर फर्कदै गरेको जड्यहा झैं
यता उता कुदिरहेछन्
र चाटिरहेछन पहराको खिया ।

आफ्नै नङग्राले चोथिरेर
रक्ताम्मे पारेको
कुनै बहुलाहको अनुहार जस्तै  
पैरोले कोतरेको छ पाहाड ।

बैष्णवको निधारमा टल्कीने
सेतो तिलक जस्तै
सेता खहरेहरु
पहाडको छातीबाट
झरिरहेछन ओरालै ओरालो ।

छिपछिपे पानी भरिएको
आफ्नै जिन्दगी जस्तो  
बाँझो खेत
जोतीरहेछ हली दाई
र जिन्दगीका
सुख दुःख जस्ता थुम्का थुम्कीहरु
सम्माईरहेछन बाउसेहरु
र असारे भाका सुसेल्दै
सपना रोपिरहेछन खेतालाहरु ।

दमको रोगले थलिएर मरेका
साईला बाजेलाई
धाट पुराउन भन्दा
खेत हिलाउन बढी हतार छ
गाँउलेलाई
किनकी यो
असार हो ।  

~ बिस्नु प्रवा सापकोटा
Share This
Previous Post
Next Post

Pellentesque vitae lectus in mauris sollicitudin ornare sit amet eget ligula. Donec pharetra, arcu eu consectetur semper, est nulla sodales risus, vel efficitur orci justo quis tellus. Phasellus sit amet est pharetra

0 comments: